O xoves 2 de maio, ás 19.30 h, Martín Pawley ofrece no noso local, dentro do ciclo DirectorAs, unha nova palestra sobre Agnès Varda.
Agnès Varda adiantouse varios anos á nouvelle vague con La Pointe Courte, consolidouse nos 60 e 70 como directora sobresaínte con perspectiva feminista, nos 80 gañou o León de Ouro en Venecia con Sans toit ni loi e no cambio de século demostrou ser quen de adaptarse a novas formas e formatos cun documental capital, Os espigadores e a espigadora. Soubo ser unha figura de prestixio e á vez un xenuíno mito popular e quizais por iso chovéronlle moi variados premios honoríficos, da Palma de Ouro e o Óscar ao Premio Donostia. O seu é un deses nomes que non precisa moita presentación. Celebramos a Agnès Varda no mes do seu nacemento para recordar a súa memorábel vida e obra.
Martin Pawley é crítico de cinema, programador e produtor.
Se queres asistir a esta palestra, envíanos os teus datos a través deste formulario: