Inauguración da exposición “Galiza en trazos” de Eloy RC

Xa estamos de volta e temos para este mes de setembro unha programación moi variada: visitas guiadas, roteiros, presentacións de libros, falaremos de temas sociais e de dereitos, de memoria, da historia da cidade… A primeira actividade  será o venres, día 6 de setembro, ás 19 h, na que inauguramos exposición de debuxos de Eloy RC.

Debuxante e muralista, Eloy RC (A Coruña, 1981), centra a meirande parte da súa obra en reflectir lugares, tradicións e cultura da súa cidade e de Galiza en xeral. Acumula xa máis de 30 exposicións ao longo dos últimos 12 anos en diferentes espazos, centros culturais municipais, noutros espazos culturais, bares etc.

Esperamos que nos poidas acompañar e poidamos tomar un viño e admirar a obra de Eloy.