O sábado 26 de abril, ás 11.30 h, xuntarémonos diante do monumento dos Mártires de Carral para conmemorar o 179 aniversario desta revolución popular.
Faremos unha ofrenda florar, seguida da lectura do manifesto polo seu autor, César Caramés, e remataremos cun roteiro teatralizado até co cemiterio de Paleo, coa Asociación Cultural e Teatral Abril de Lume e Ferro.
Hai 179 anos dase unha revolución popular galega dirixida por soberanistas e socialistas, artellada en xuntas, e que toma medidas concretas que transforman a realidade seguindo un programa: báixanse os prezos do sal, exprópianse os capitais do Banco de San Fernando, suprímense a policía e a garda civil, créase un exercito, chamado Exército Libertador da Galiza, chámase o pobo a participar, refórmase o ensino a través dunha comisión… Fusilamentos, bombardeamentos, saqueos, exilio, torturas e asasinatos foron os que padeceron aqueles e aquelas que a secundaron. Desta realidade lembrarémonos o próximo 26 de abril, en Carral, perante o monumento dos Mártires de Carral.
Esta actividade está convocada por Vía Galega, plataforma da que nós facemos parte.
