O xoves 15 de outubro ás 19.30 h, terá lugar o segundo encontro do Ciclo Pensando o Futuro, Ciclo de pensamento crítico da Agrupación Cultural Alexandre Bóveda.
O acto contará coa intervención de David Rodríguez, escritor e colaborador en medios de comunicación nunha conferencia co título A España doente e os lombos que a padecen.
A charla proporá unha achega a algunhas das raíces históricas do problema nacional español. Recalcarase o eterno retorno dunha diverxencia radical: a das dúas grandes concepcións arredor da organización política idónea para os pobos ibéricos, e como moitos dos tropos e contradicións cos que se expresa esa diverxencia toman novas formas no presente condicicionando a vida política do Estado dun modo fundamental.
DATOS DO EVENTO
Inscrición necesaria
