O martes 9 de setembro, ás 19.30 h, dentro do ciclo “Revisar os marcos” que facemos coa Fundación Luzes, falaremos da lingua en xogo: o galego no deporte.
O deporte constrúe identidade. Nomeadamente o futbol, pero non só. Pode ser un instrumento potente de dinamización lingüística. Proxectos como Aquí tamén se fala dan boa conta da implicación da xente nova en frear o devalo do galego.
Intervirán Marta Otero, xornalista e Alberto Pombo, director do IES Rafael Dieste e impulsor de Aquí tamén se fala.
