A mensaxe das estrelas

O mércores, día 15 de xaneiro, ás 19.30 h, falaremos de Astronomía con Ramón Vilalta.

Pese a cumprir xa 30 anos, as explicacións da evolución estelar que nos ofrece o vídeo A mensaxe das estrelas seguen plenamente vixentes. Producido pola AS-PG, con locución de Lino Braxe, e premiado na Bienal de Cine Científico de Zaragoza achéganos, de forma didáctica, as claves de como se forman as estrelas e como se extinguen, dando pé aos pilares da vida. Acompañados por un dos seus autores, Ramón Vilalta, nesta sesión veremos o documental e aprenderemos como cambiou a ciencia ao longo destes 30 anos.

Ramón Vilalta (Montevideo, 1957) doutorouse en Química pola USC, investigando sobre produtos naturais mariños. Foi profesor de Física e Química, tamén de Astronomía, e autor de varios libros de divulgación.