O venres 7 de febreiro ás 19:30 h Antón Santamarina falaranos do Cancioneiro popular galego que xunto a Dorothé Schubarth (1944-2023), compilou e foi editado en varios volumes durante a década de 80 do século pasado. Esta obra é considerada un dos alicerces do canto tradicional da Galiza e é tida como fonte de inspiración e de aprendizaxe para moitas formacións musicais do noso tempo.
Antón Santamarina (1942, Navia de Suarna, A Fonsagrada) é catedrático xubilado do Departamento de Filoloxía Galega da Universidade de Santiago de Compostela e membro da Real Academia Galega.
