O mércores 22 de abril, ás 19.30 h, acolleremos a conferencia As vinte almas de Maruja Mallo a cargo de Laura Domínguez. En 1993 o Centro Galego de Arte Contemporánea de Galicia (CGAC) abría as súas portas cunha retrospectiva de Maruja Mallo, iniciando así unha historia de recuperación da obra e figura desta artista vangardista que fora borrada e esquecida. Nesta sesión faremos un repaso pola súa vida e obra, reflexionando sobre o redescubrimento da súa figura nos últimos anos.
Laura Domínguez é licenciada en Historia da Arte, cun máster en Museoloxía e outro en Educación. Traballou en diversos museos realizando labores de comisariado, didáctica e divulgación cultural, con especial interese no vínculo entre a comunidade e a cultura.
DATOS DO EVENTO
Inscrición necesaria
