O luns 18 de maio ás 20:00 h, Marga do Val falaranos da figura de Begoña Caamaño, autora homenaxeada este ano no Día das Letras Galegas. Marga do Val, recoñecida poeta, ensaísta e crítica literaria, ofreceranos unha ollada profunda e persoal sobre a narrativa de Caamaño. Grazas á estreita amizade que as unía e ao seu labor como estudosa da súa obra, a conferenciante analizará as claves literarias dunha das voces máis singulares das nosas letras contemporáneas.
Marga Romero Lorenzo, coñecida como Marga do Val, é autora de poesía, ensaio, novela e teatro. Licenciada en Filoloxía Hispánica e Galego-Portuguesa pola USC, exerceu como lectora de lingua e literatura galegas na universidade de Tréveris e actualmente é profesora de lingua e literatura galegas no ensino medio. Colaborou en varias publicacións periódicas, como a revista Grial, Festa da Palabra Silenciada, A Nosa Terra ou Sermos Galiza. Recibiu o Premio da Crítica de poesía galega no 2010 e o Premio da AELG de tradución no 2011. É unha destacada estudosa da obra de Rafael Dieste, Otero Pedraio, Luísa Villalta e Begoña Caamaño.
