O sábado 9 de maio, ás 12:00 horas, dentro do ciclo Cafés Feministas, organizado pola ACAB en colaboración coa Marcha Mundial das Mulleres, teremos un novo encontro dedicado a tratar a violencia xinecolóxica: unha forma invisible da violencia de xénero no sistema de saúde. Actualmente, esta é unha práctica tan habitual como invisible, que se manifesta a través da falta de información, o trato irrespectuoso, a atención deficitaria ou intervencións sen consentimento previo. Neste contexto, no que acudir a unha consulta pode ser un acto de valentía, cabe preguntarse onde queda a nosa saúde. Porque a saúde non pode ser un privilexio de xénero, dedicaremos esta xornada a falar sen medo sobre as nosas necesidades e a buscar apoio colectivo para evitar estas agresións no sistema sanitario.
Non é necesaria inscrición.
