O sábado 7 de febreiro, de 12:00 a 13:30 h, no noso local, teremos unha nova entrega do ciclo Cafés Feministas.
Nesta ocasión, o encontro xira arredor dunha pregunta tan incómoda como necesaria: «Cos anos as mulleres pasamos de obxecto a trasto?». Propoñemos un espazo de conversa para analizar como o paso do tempo afecta á percepción social das mulleres. Mentres a xuventude feminina é a miúdo tratada como un obxecto de consumo e desexo, a madurez parece condenalas á categoría de “trasto” inservible ou invisible para o sistema.
Agardámoste para compartir un café e debater sobre a presión estética, a utilidade social e a necesidade de reivindicar a nosa presenza e valor en todas as etapas da vida.
Organiza a ACAB en colaboración coa Marcha Mundial das Mulleres.
Non é necesaria inscrición.
