O venres 27 ás 19.30 h, dentro do ciclo CINECLUB BÓVEDA, prosegue o foco dedicado ao cineasta alemán Christian Petzold que desenvolvemos en colaboración co Instituto Goethe coa proxección da película Bárbara (2012), protagonizada por Nina Hoss e Ronald Zehrfeld.
Gañadora do premio á mellor dirección da Berlinale, o filme, ambientado nos anos 80 na República Democrática Alemá, ten na Bárbara do título o personaxe principal, unha doutora que é afastada do seu posto nun prestixioso hospital berlinés e trasladada como castigo a un pequeno centro médico nunha vila. O afinado retrato social e político dos estertores da época socialista convive, nas mans de Petzold, coa empatía cara aos personaxes e a esperanza no amor e a humanidade.
DATOS DO EVENTO
Inscrición necesaria
