Cineclub Bóveda: «Cinco cartuchos» (Frank Beyer, 1960)

O venres, 28 de novembro, ás 19.30 h, teremos unha nova sesión do Cineclub Bóveda, coa proxección de Cinco cartuchos (Frank Beyer, 1960).

O filme que lle deu fama e prestixio ao director Frank Beyer é un magnífico achegamento á Guerra Civil española feito na Alemaña do Leste. Cinco cartuchos narra a peripecia de cinco membros das brigadas internacionais que deben transportar unha importante mensaxe coa ameaza sempre presente do inimigo fascista e as duras condicións do territorio. Unha sorte de singular western bélico non moi afastado do espírito do mellor John Ford.

Duración: 84 minutos.

É a terceira sesión do ciclo de cinema alemán que organizamos en colaboración co Instituto Goethe.