Dentro do ciclo “A pegada de Bertold Brecht”, o venres 25 de setembro ás 19.30 h proxectamos no Cineclub Bóveda o filme “Kuhle Wampe” (Slatan Dudow, 1932).
Coa colaboración do Instituto Goethe, iniciamos unha nova serie que explora a presenza e a influencia do dramaturgo no cinema, abrindo cunha das súas contadas colaboracións directas para a pantalla grande como guionista xunto a Ernst Ottwald. A longametraxe foi cuestionada polo goberno alemán por presentar unha visión crítica e pesimista do sistema social, estreándose con algúns minutos eliminados. A instauración ao ano seguinte do réxime nazi supuxo a súa prohibición total, desaparecendo de circulación durante varias décadas. Hoxe redescubrímolo como a radical obra mestra que sempre foi.
