O luns 16 de xuño, ás 19.30 h, teremos unha nova sesión do Cineclub Bóveda, coa proxección de O Sáhara non se vende (1977), de Jocelyne Saabe.
En colaboración coa Association Jocelyne Saab, que preserva e promove o legado da falecida cineasta libanesa, programamos o documental que filmou entre xullo e novembro de 1977 sobre a guerra no Sáhara Occidental, O Sáhara non se vende (Le Sahara n’est pas à vendre). Un traballo maxistral que expón a resistencia saharauí e a loita do Fronte Polisario e nos serve para poñer o foco sobre un conflito aínda sen resolver e ao que lle dedicamos este ano especial atención na semana do Día Mundial das Persoas Refuxiadas.
A duración da película é de 90 minutos.
