Cineclub Bóveda: «Ondina» (Foco Christian Petzold)

En colaboración co Instituto Goethe iniciamos un foco dedicado a un dos cineastas contemporáneos máis valiosos, o alemán Christian Petzold, cuxa obra fílmica pasou polos principais festivais de cinema do mundo, como a Berlinale –onde foi premiado en varias ocasións–, Cannes e Venecia. Abrimos o ciclo con «Ondina», un filme de poderoso alento romántico capaz de combinar elementos fantásticos cunha reflexión sobre o desenvolvemento urbano de Berlín, cunha irresistíbel parella protagonista no centro do relato, Paula Beer e Franz Rogowski.