O luns 20 de outubro, ás 20.00 h, teremos unha nova sesión do Cineclub Bóveda: Quen ama a terra.
Do 28 de xullo ao 5 de agosto de 1973 celebrouse en Berlín Leste o 10º Festival Mundial da Xuventude e o Estudantado, que recibiu oito millóns de visitantes baixo o lema “Pola solidariede Antiimperialista, a Paz e a Amizade”. O documental WER DIE ERDE LIEBT (QUEN AMA A TERRA), realizado por Joachim Hellwig, Uwe Belz, Jürgen Böttcher e Harry Hornig, recolle a efervescencia deses días e a palabra dalgunhas figuras convidadas, como Yasser Arafat ou Angela Davis, así como as actuacións musicais de, entre outros, Isabel Parra. Segunda sesión do ciclo de cinema alemán que organizamos en colaboración co Instituto Goethe.
