Dentro do ciclo Outras historias do cinema, o xoves 4 de xuño ás 19.30 h teremos unha sesión dedicada ao Cinema Kurdo.
O Kurdistán, a maior nación sen estado do planeta, está poboado por máis de corenta millóns de persoas repartidas principalmente entre Irán, Iraq, Turquía e Siria. O pobo kurdo leva un século loitando pola defensa da súa identidade, a súa lingua e a súa cultura fronte á represión totalitaria, nun exemplo de tenacidade e resistencia. Nesta sesión destacamos a creación fílmica dos cineastas do Kurdistán, con obras premiadas en festivais como Cannes e San Sebastián, e achegarémonos a un autor emblemático, Yilmaz Güney, que padeceu a prisión e o exilio.
Para falarnos de todo isto, contaremos con Martin Pawley, crítico e programador cinematográfico.
