O venres 17 de xullo, ás 19.30 h, organizamos no noso local unha xornada dedicada á gastronomía palestina. Da man de Kamal Ubeid, reposteiro nado nos campos de refuxiados do Líbano e que vén de abrir a “Pastelería Palestina” no Centro Comercial Catro Camiños da Coruña, probaremos algúns dos sabores máis característicos do seu país.
Degustaremos o “maqluba”, un prato de arroz con verduras que significa “ao revés” e que se envorca no momento de servir para darlle a súa aparencia particular. Tamén descubriremos a repostería do Levante mediterráneo (Palestina, Líbano, Siria e Xordania) a través de pezas como os baklava, os niños de pistacho, anacardo e améndoas, e os maʿamūl, uns bolos recheos de dátiles da rexión moi distintos aos habituais. Durante a sesión charlaremos con Kamal, quen nos explicará curiosidades como o método de preparar o té e o café sobre area quente.
Para quen queira, haberá caixas de pasteliños á venda para levar á casa.
DATOS DO EVENTO
Inscrición necesaria
