Curso de introdución á Astronomía

O sábado 29 de novembro, de 18:00 a 20:30, terá lugar na nosa sede un curso de Introdución á Astronomía, impartido por Martin Pawley, e que facemos en colaboración coa Agrupación Astronómica Coruñesa Ío.

Neste curso aprenderemos a manexar un planisferio celeste (entregarase un a cada persoa asistente) e con el saberemos recoñecer as constelacións e a orientármonos no ceo. Saberemos un pouco máis sobre as estrelas (que son, como se forman e a súa evolución ao longo do tempo) e sobre o noso sistema solar e os corpos que o forman.

Tamén falaremos sobre o problema da contaminación luminosa e o seu impacto na natureza e a observación astronómica.

A inscrición é gratuíta e terán prioridade as persoas socias da Agrupación Astronómica Coruñesa Ío e da Agrupación Cultural Alexandre Bóveda.

Martin Pawley é membro da Agrupación Astronómica Coruñesa Ío.