O venres 11 de setembro, ás 19.30 horas, acollemos un acto informativo sobre os dereitos sanitarios ao final da vida, organizado conxuntamente coa asociación Dereito a Morrer Dignamente (DMD Galicia).
Nesta sesión abordaranse os aspectos clave para elaborar e rexistrar o testamento vital, coñecido en Galicia como Documento de Instrucións Previas. Este instrumento permite decidir que tratamentos recibir ou rexeitar no caso de sufrir un deterioro irreversible da saúde e perder a capacidade de tomar decisións. As médicas Isabel Blanco (presidenta de DMD Galicia) e Carmen Fernández Casabella, xunto co xornalista e secretario da entidade Antón Ferreiro, explicarán o procedemento paso a paso, como formalizalo e onde rexistralo para garantir o cumprimento da vontade individual.
DATOS DO EVENTO
Inscrición necesaria
