O mércores 2 de abril, ás 19.30 h, teremos un encontro con Rawan Abdalah Irshaid.
Despois de décadas de ocupación, Israel pretende agora culminar a operación xenocidia que lle permitiría expulsar definitivamente o povo palestino da súa terra. Máis de 50.000 persoas mortas, millares de crianzas orfas e mutiladas, un modo de vida enterrado baixo os escombros. Rawan Abdalah Irshaid, filla de nai e pai palestinos obrigados a abandonar a súa patria, ofrécenos unha perspectiva íntima deste que será lembrado sen dúbida un dos crimes de lesa humanidade máis crueis do noso tempo.
Esta actividade faise en colaboración con UDCxPalestina.
