O mércores 9 de setembro, ás 19.30 horas, o noso local acolle unha palestra sobre a a epopea das emigrantes galegas en Cuba, que impartirá Arantxa Fernández Crespo, presidenta da Cátedra de Cultura Galega Xosé Neira Vilas da Universidade da Habana.
A charla abordará a masiva emigración de mulleres galegas a Cuba desde principios do século XX, as duras condicións e a explotación que sufriron na illa, e como o rexeitamento social por parte de entidades como o Centro Galego motivou o nacemento en 1917 da sociedade mutual Hijas de Galicia. Esta organización converteuse nun alicerce fundamental para garantir a asistencia sanitaria e os dereitos das emigrantes, chegando a ser unha das institucións máis relevantes do asociacionismo galego no exterior.
DATOS DO EVENTO
Inscrición necesaria
