O martes 14 de outubro, ás 19.30 h, imos facer unha visita guiada, en colaboración coa AC AÏS, á exposición de Mercedes Touzón na Casa Museo María Pita (Rúa Herrerías, 28).
A obra de Mercedes Touzón establece un diálogo entre o tradicional e o moderno, entre o ancestral e o contemporáneo dando nova vida a obxectos persoais e familiares, sacados do desuso e do recordo e desafiando así a desvalorización e a tradición que feminizaron certos labores que foron relegadas ao privado e desestimados en comparación coa produción artística convencional.
