O martes 14 de xullo ás 12.00 h o Kiosco Alfonso acolle unha visita guiada á exposición Trazos da man do propio David Pintor.
Ao longo do percorrido descubriremos máis de trinta anos da súa traxectoria como ilustrador e debuxante, desde a caricatura ata a ilustración editorial, infantil ou os cadernos de viaxe. A mostra reúne tamén obras inéditas creadas para esta ocasión, nas que o artista explora novas linguaxes e formas de expression. Unha oportunidade única para coñecer de primeira man o proceso creativo e o universo artístico dun dos grandes referentes da ilustración galega.
Duración aproximada: 75 minutos.
