O xoves 27 de febreiro, o grupo de Cantos na taberna da AC Alexandre Bóveda sairemos polas rúas interpretando as coplas que temos preparadas para este Entroido e que engadimos ao remate deste texto.
Animádevos a acompañarnos neste percorrido que iniciaremos ás 19.30 h da tarde no local.
MUSEO LUGRÍS
Ei ven o vento do mare
Ei ven o vento mareiro
Que ben o pintou Lugrís
E non era mariñeiro (bis)
Queremos eiquí nos Olmos
Ter un museo de Lugrís
Pra que todo o mundo vexa
A un artista do país (bis)
Ei ven o vento do mare…..
Eu quero ver as serpentes
E as baleas no mare
E dos cadros de Lugrís
Poder todas disfrutare (bis)
Ei ven o vento do mare….
Non sei de quen é a culpa
Se da Xunta ou do Concello
Pero , póñanse de acordo
E montade xa o museo (bis)
Ei ven o vento do mare….
Lugrís naceu na Coruña
Inspirouse na súa ría
Tamén pasou por Malpica
E alí está na Confraría
Ei ven o vento do mare….
COPLA ENTROIDO 2025
Inés fai moitas promesas
Pero non ten os orzamentos
Se non cumpre o prometido
Todo queda en pensamentos
Governo municipal (bis)
Mira polos barrios (bis 3)
Que están mal
Moitos muíños de vento
En Suevos van colocar
Pois se Inditex os precisa
As veciñas a calar.
Governo municipal (bis)
Mira polos barrios (bis 3)
Que están mal
Moitos cartos derrochades
Nas grandes actuacións
Mentres ben nos apretades
ao pedirmos subvencións
e a cultura ben precisa
das vosas aportacións.
Governo municipal (bis)
Mira polos barrios (bis 3)
Que están mal
Anda mal a economía
Da nosa orquestra sinfónica
Que de seguir nesta vía
Aínda vai quedar afónica.
Governo municipal (bis)
Mira polos barrios (bis 3)
Que están mal
O edificio da cadea
Pra os veciños ten que ser
Amañade xa os papeis
Antes de velo caer
Governo municipal (bis)
Mira polos barrios (bis 3)
Que están mal
Mellores transportes públicos
Imos precisar agora
Porque coas obras na Vedra
Non chegaremos en hora.
Governo municipal (bis)
Mira polos barrios (bis 3)
Que están mal
E os Centros da Coruña
Moi cívicos non che son
Alí dan clases de todo
Pero de galego non
Non queremos Altri eiquí (bis)
Se é tan boa empresa
Como eles nos contan
Porque non a montan
En Madrid
(MAL) VIVIR NA CORUÑA
Se pasas por María Pita
Pregúntallea dona Inées… (bis)
cándo remata o arranxo
da rúa de Santo André? (bis)
Dille que fica bonita,
chusquiña e digna de veer… (bis)
pero que ande con ollo
de ónde mete o pée… (bis)
(retrouso 1)
Vivir na Coruña
que bonito é,
prós turistas o centro
arrecende moi ben…
Cando a folga, nos barrios
o lixo a feder,
cheirando ao chamusco
cando empeza a arder…
cando empeza a arder,
empeza a cheirar,
eran che as fogueiras,
coma as do San Xoán.
Seica xa van rematando
as obras daIntermodal…(bis)
madia leva o que duraron!
Nin que fose o Escoriaal… (bis)
A auga do mar é de todos,
os portos tamén o soon… (bis)
facer vivendas prós novos
seríachea solucióon…
berremos todos a coro:
“non máis especulacióon…”
(retrouso 2)
Vivir na Coruña
imposible é,
mercaar un piso,
ou pagar aluguer.
Ter unha familia,
podela manter,
traballo e non chego
nin a fin de mes…
Temos a Casa Cornide
que aínda segue okupada… (bis)
e xa todos ben sabemos
como é que foi rapiñada…
(sereiche claro e moi FRANCO
esa xentehai que botala!)
(retrouso 3)
Vivir na Coruña
que sano che é,
polo carril bici,
como debe ser;
de fochanca en fochanca
tí podes saltar,
ou vir esquiando
entre as cacas dos cans…
(retrouso 1)
(retrouso 2)
Paco Campos, antroido 2025
