No ano en que se conmemora o 75º aniversario do pasamento de Castelao, o grupo Alexandre Bóveda Teatro súmase á celebración coa súa particular homenaxe a este xenio poliédrico.
Este espectáculo combina diferentes expresións artísticas inspiradas na obra do autor. A través de debuxos que evocan os seus contos, narrados polos intérpretes do grupo, e a representación dun fragmento da súa célebre obra dramática Os vellos non deben de namorarse, o público poderá mergullarse no universo creativo de Castelao.
Dirixe a montaxe Manuela Varela.
