No marco do cuarto encontro do ciclo Pensando o Futuro, o xoves 28 de maio ás 19:30 h, terá lugar a charla titulada Intelixencia Artificial: adaptarse ou …?, coa intervención de Laura Castro, profesora titular no Departamento de Ciencias da Computación e Tecnoloxías da Información da Universidade da Coruña (UDC) e investigadora do impacto social da tecnoloxía.
Nesta palestra explorarase que é a IA de maneira accesíbel, entendendo como xurdiu, que persegue, como foi avanzando e o momento actual. Comprender ese camiño é imprescindible para entender o papel que a IA pode xogar nas nosas vidas, na nosa economía e na nosa cultura. Así, poderase reflexionar sobre quen toma decisións, como se distribúen os beneficios e as responsabilidades, e que preguntas éticas deben acompañar á tecnoloxía en xeral, e á IA en particular, mentres avanza.
