O luns día 23 de febreiro é o día no que se conmemora o nacemento de Rosalía de Castro.
A Asociación de Escritoras e Escritores de Galiza (AELG) e a Asociación Cultural Alexandre Bóveda teñen o pracer de convidarte a festexar o Día de Rosalía coa lectura pública da súa obra.
Realizaremos o acto de lectura pública diante do Teatro Rosalía de Castro ás 17.00 h. Queremos animarte a que participes na lectura lendo un texto que ti escollas de Rosalía de Castro. Leremos o Manifesto da AELG, elaborado este ano por Eva Veiga, e posteriormente realizaremos unha lectura pública da obra de Rosalía de Castro.
O acto contará tamén con música do noso grupo de Cantos na Taberna e coa actuación de Noite Bohemia.
Non é preciso inscribirse para asistir, mais si para as persoas que queiran recitar poemas ou ler algún texto. Se queres participar na lectura, envíanos este formulario indicando que texto escolles.
