O domingo día 23 de febreiro é o día no que se conmemora o nacemento de Rosalía de Castro.
A Asociación de Escritoras e Escritores de Galiza (AELG) e a Asociación Cultural Alexandre Bóveda teñen o pracer de convidarte a festexar o Día de Rosalía coa lectura pública da súa obra.
Realizaremos o acto de lectura pública diante do Teatro Rosalía de Castro ás 17 h. Queremos animarte a que participes na lectura lendo un texto que ti escollas de Rosalía de Castro. A vicepresidenta da AELG, a escritora Beatriz Maceda, dará lectura ao Manifesto da AELG, elaborado por Marga do Val, e posteriormente realizaremos unha lectura pública da obra de Rosalía de Castro.
O acto contará tamén con música pois como sabes Rosalía de Castro é a poeta máis musicada da nosa literatura.
Non é preciso inscribirse para asistir, mais si para as persoas que queiran recitar poemas ou ler algún texto. Se queres participar na lectura, envíanos este formulario indicando que texto escolles.
