O martes 25 de marzo, ás 19 h, presentamos o manifesto feminista Lieders, publicado en 1858 no xornal El Miño por Rosalía de Castro.
A publicación, en formato facsímile, inclúe o texto dixitalizado e recollido na obra completa da autora publicado pola Fundación Rosalía de Castro en 1996. Conta, ademais, cun limiar da doutora e investigadora María Pilar García Negro e a tradución profesional de Iria Taibo.
Con esta publicación a Fundación Galiza Sempre quere poñer en valor unha peza ensaística xenuína, para que sirva como homenaxe á nosa poeta nacional, pero especialmente como ferramenta de difusión do amplo legado que nos deixou.
As persoas que nos acompañedes levaredes de agasallo esta pequena publicación, do Manifesto Lieders en lingua galega editado pola Fundación Galiza Sempre.
