Desde a Fundación Moncho Reboiras e a Confederación Intersindical Galega vénse de publicar o libro O nacionalismo galego na década dos 70. Un volume coordinado por Suso Seixo e Uxío-Breogán Diéguez, co que se pon en valor o esforzo militante que representou a articulación do frontismo nacionalista no devandito período. Edítase esta obra coa intención de pór en valor o enorme traballo de teorización e autoorganización ao que deu lugar o nacionalismo galego desde a segunda metade da década dos 60 do pasado século e que cristalizou na década dos anos setenta, dando lugar a unha forte mobilización social.
Contaremos coa presenza de Suso Seixo, Lois Diéguez e Pilar García Negro, coautores do libro.
