O espolio ilegal dos recursos do pobo saharauí

O venres 6 de febreiro, ás 19.30 h, terá lugar a palestra O espolio ilegal dos recursos do pobo saharauí.

Desde a súa ocupación en 1975, o territorio saharauí sufriu diversas formas de colonización económica e política dos seus recursos naturais, desde a extracción e o saqueo ilegal até o comercio global ilexítimo. Nun mundo tecnoloxicamente avanzado e en constante cambio, os recursos saharauís permiten que a ocupación marroquí obteña maiores beneficios financeiros e económicos a través da súa explotación ilegal. Ademais, esta explotación xeralizouse e intensificouse nos últimos anos. Na palestra prestarase especial atención á xurisprudencia internacional sobre a materia e ao cumprimento do dereito internacional no Sáhara Occidental.

Contaremos con Elmachi Jalil Bugah, activista saharauí e membro da asociación Juventud Activa Saharaui (JAS).

É unha actividade feita en colaboración da Comunidade Saharauí en Galiza.