O venres 20 de marzo, ás 19.30 h, acollemos no noso local un debate organizado pola Irmandade Moncho Valcarce sobre as consecuencias que terá o Tratado da UE-Mercosur sobre Galiza. Este acordo neoliberal promove a desregulación da lexislación europea e dos estados membros en favor do capital financeiro, as políticas de libre mercado e as grandes multinacionais. O tratado incide directamente no comercio agroalimentario, a explotación de recursos, a industria, os dereitos intelectuais e a liberalización de servizos.
Para analizar esta problemática contaremos coa participación de:
Xosé Ramón Cendán: Activo en organizacións sociais dende 1977 e membro histórico do Sindicato Labrego Galego, participou na fundación de Vía Campesina e foi detido en Hong Kong en 2005 durante as mobilizacións contra a OMC.
Isabel Vilalba: Filóloga e exsecretaria xeral do Sindicato Labrego Galego. Cunha destacada traxectoria en Vía Campesina, tivo un papel fundamental no foro Nyeleni (Malí) para o desenvolvemento da soberanía alimentaria.
DATOS DO EVENTO
Inscrición necesaria
