O venres 5 de xuño ás 19:30 h terá lugar a presentación do libro O imperialismo no século XXI. Esta obra recupera o estudo do imperialismo, un fenómeno que condiciona o devir da humanidade na idade contemporánea desde hai máis de 150 anos.
A obra busca desmontar mitos, como o de que o imperialismo é algo do pasado e non relacionado coa evolución do sistema capitalista. Ao tempo busca abrir a mirada a outras realidades das que apenas se fala, nas que diferentes países tecen alianzas para construír relacións internacionais baseadas no diálogo e na cooperación, fronte á lóxica da imposición que é intrínseca á hexemonía imperialista. Procede tamén a unha análise do eurocentrismo como substrato intelectual do fenómeno imperialista, enfrontando este á súa antítese, o nacionalismo como manifestación netamente anti-imperialista.
O autor, Duarte Correa, é profesor e analista internacional, con colaboración habitual en diversas publicacións, e ponente en actividades formativas en Europa e América sobre xeopolítica, relacións internacionais e soberanía dos pobos.
Falarán:
Silvia Seixas. Membro do Consello Comarcal do BNG.
Xosé Manuel Carril. Profesor da UdC.
Duarte Correa. Autor do libro.
DATOS DO EVENTO
Inscrición necesaria
