Estados Unidos, Rusia, Turquía, Polonia ou Hungría son algúns dos exemplos máis coñecidos das chamadas democracias iliberais: reximes nos que os gobernantes acceden ao poder por vontade popular pero o exercen de forma autocrática, erosionando dereitos e mecanismos democráticos.
Que factores explican esta viraxe global cara modelos cada vez máis autoritarios? Que consecuencias ten para a sociedade e a gobernanza mundial?
Para afondar nesta cuestión, contaremos coa politóloga Elba Maneiro, doutora en Ciencias Políticas, quen nos axudará a revisar os marcos de interpretación deste fenómeno contemporáneo.
Esta actividade enmárcase no ciclo Revisar os marcos, que organizamos en colaboración coa Fundación Luzes.
Unha conversa imprescindible para comprender os retos da democracia hoxe.
