Dentro do ciclo Pensando o Futuro, o xoves 27 de novembro ás 19:30 h, contaremos coa presenza de Renée DePalma Ungaro para afondar na charla titulada “Olladas críticas sobre política lingüística e migración”.
A transmisión interxeracional do galego continúa en descenso entre a xente nova, unha tendencia que contrasta coas realidades doutros territorios con linguas propias como Cataluña ou Euskadi (Consello da Cultura Galega, 2025). Ao mesmo tempo, a Xunta de Galicia recomenda “facilitar a aprendizaxe de galego entre as persoas nacidas fóra de Galicia” (2025). Que papel ten a educación, a política e a inmigración na vitalidade dunha lingua minorizada coma a nosa?
Para responder a estas cuestións acompañaranos Renée DePalma, profesora na Universidade da Coruña, onde coordina o grupo de investigación ECIGAL (Educación para a Cidadanía Global) e participa en Nova Escola Galega a través do seu grupo de traballo en normalización lingüística. A súa traxectoria investigadora, desenvolvida ao longo de máis de dúas décadas, abrangue diversos contextos internacionais —como Estados Unidos ou Cabo Verde— e inclúe tamén múltiples estudos sobre o uso e a aprendizaxe do galego en centros educativos do país.
DATOS DO EVENTO
Inscrición necesaria
