Martin Pawley ofrécenos o xoves 6 de febreiro outra nova historia do cinema, esta vez centrada na figura de Marily Monroe.
Marilyn é, sen moita dúbida, o maior mito que deu o cinema no século XX. Tras a súa condición de eterna icona de beleza e de paradigma dos clarescuros da fama con frecuencia queda agochada outra evidencia: que fixo películas sensacionais. Nesta sesión reivindicaremos as súas inmensas cualidades como actriz e a muller curiosa, lectora atenta e mesmo poeta ocasional que as luces de Hollywood non sempre deixaron ver.
