O xoves, 13 de novembro, ás 19.30 h, teremos unha nova sesión do ciclo “Outras historias do cinema”. Martin Pawley falaranos de Pier Paolo Pasolini.
O 2 de novembro de 1975 foi asasinado o escritor e cineasta Pier Paolo Pasolini, un feito aínda envolto en demasiadas incógnitas. Fai, pois, 50 anos da desaparición dun creador que, coa súa mestura infrecuente de xenialidade, conciencia crítica e empatía humanista, nunca deixará de ser un referente intelectual. Nesta sesión rendemos tributo a unha figura fundamental da cultura do século XX.
Martin Pawley é produtor, crítico e programador de cinema.
