O xoves 10 de setembro, ás 19.30 h, acollemos unha nova sesión do ciclo Outras historias do cinema: Werner Herzog, impartida por Martin Pawley, crítico e programador cinematográfico.
O Festival de San Sebastián concédelle este ano o Premio Donostia ao cineasta alemán Werner Herzog, un recoñemento a toda a súa traxectoria que se suma ao León de Ouro honorífico que obtivera o ano pasado na Mostra de Venecia. A cita sérvenos de escusa para repasar a súa impresionante obra cinematográfica, tanto no campo do documental coma na ficción, que se estende ao longo de xa máis de sesenta anos e que prosegue na actualidade, mais tamén a súa apaixonante produción literaria. Unha obra guiada por un san escepticismo e humor e marcada polo permanente asombro ante a natureza e o cosmos, o respecto pola diversidade cultural, étnica e lingüística e certa saudade cara aos mundos que se acaban, debuxando o perfil dun absoluto xenio ao que lle debemos obras maiores do cinema como O país do silencio e a escuridade, O enigma de Kaspar Hauser ou Fitzcarraldo.
DATOS DO EVENTO
Inscrición necesaria
