Palestina Animada é un proxecto de cinema de animación palestino que presenta un programa de curtametraxes e longametraxes, principalmente de cineastas de Palestina, desde Cisxordania, Gaza e a diáspora. O programa engloba unha mestura de películas profesionais e películas realizadas en diversos obradoiros na Palestina ocupada.
As promotoras do proxecto son un colectivo de cineastas, artistas e activistas de Palestina, Noruega, e diversos lugares do Estado Español. O Festival Palestina Animada estreouse en Cantabria no de marzo de 2025. Seguidamente presentouse en Oslo e outras localidades de Noruega, en Vélez Málaga e en Portugal (Lisboa, Porto e Braga). Está a programarse en varias mostras por toda Europa.
Este ciclo chega por primeira vez a Galiza nunha sesión de proxeccións e mesa redonda que se celebrará o sábado 12 de xullo ás 18 h no noso local.
O acto contará coa intervención do escritor Moncho Iglesias Míguez, que foi docente en Palestina e está organizado por Galiza Por Palestina, Cantabria por Palestina e o colectivo Ánimas Anónimas.
