O venres 4 de abril, ás 19.30 h, acollemos a presentación do último poemario de Marta Dacosta publicado por Apiario: Papaventos abismados
Nun momento no que a sociedade comeza a tomar consciencia da importancia dos coidados e a sobrecarga que soportan as mulleres, Marta Dacosta deseña para a lectora un poemario atravesado por un tempo precipitado, unha tensión entre ser e estar e aquilo que se agarda de nós.
A autora estará acompañada pola editora Dores Tembrás.
Marta Dacosta, docente en Secundaria, publica o seu primeiro libro en 1993. Recibiu os premios González Garcés, Martín Códax e Joam Carballeira, entre outros. Algúns dos seus poemas foron musicados ouincorporados a proxectos teatrais. Colabora con Nós Diario. Entre os seus últimos títulos están Na casa da avoa, Labirinto ou memoria ou Notas para a extinción. En 2022 publicou a antoloxía de xénero Así fala Penélope.
