O venres 2 de outubro ás 19.30 h, volta o Ciclo Pensando o Futuro, ciclo adicado ao pensamento crítico da Agrupación Cultural Alexandre Bóveda.
O primeiro encontro terá lugar coa intervención de Carmen V. Valiña, doutora en Historia Contemporánea e profesora na Universidade Europea Miguel Cervantes, co título Tolas ou incómodas? Saúde mental e xénero.
Entre 1885 e 1936, o manicomio de Conxo acolleu miles de mulleres, principalmente procedentes de pobos e aldeas de Galiza. Os seus expedientes revelan como as normas e os roles de xénero da época condicionaron a percepción da saúde mental feminina, chegando a converter comportamentos considerados “desviados” –como ser nai solteira, querer abandonar o matrimonio ou manter relacións fóra del– en motivos de reclusión psiquiátrica. Nesta palestra afondaremos na relación entre xénero e saúde mental na Galicia contemporánea e recuperaremos as voces e as historias destas mulleres, pechadas en Conxo durante décadas.
DATOS DO EVENTO
Inscrición necesaria
