O xoves 7 de maio ás 19.30 h, no noso local, organizamos a mesa redonda titulada “Pensar a música, celebrar a lingua”. Que queda da nosa cultura cando se apagan as luces dos macrofestivais e caducan os bonos da administración? Para reflexionar sobre o estado da creación cultural en Galiza, propoñemos un espazo de pausa e diálogo con tres voces imprescindibles: a xornalista e axitadora cultural María Yáñez, que guiará a conversa; Nuno Pico (Grande Amore), unha das voces máis singulares e directas da escena actual; e Diego Veiga (Moura), músico con longo percorrido e mirada crítica sobre o oficio e a creación.
Posteriormente, a partir das 21.00 h, a xornada trasladarase á discoteca do Circo de Artesáns para unha festa con pinchada e intervención musical a cargo do Dúo Cro-Cró, do que fai parte o propio Diego Veiga.
A entrada será libre ata completar a capacidade.
