O sábado 23 de maio, ás 20 h, no AQUARIUM FINISTERRAE, teremos unha performance enmarcada dentro da programación do festival RESÏS: COMO PEIXE FÓRA DA AUGA coa performer e artista visual ANA GESTO. É unha actividade feita en colaboración coa Asociación Aïs.
Como peixe fóra da auga é unha performance ligada ao contexto, inseparable do lugar onde acontece: na sala Nautilus do Aquarium Finisterrae e na súa terraza aberta ao Atlántico. Ana Gesto convida ao público a unha experiencia activa a través do desprazamento e o son, dialogando a artista coa fauna mariña, diluíndo as fronteiras entre observador e observado, entre interior e exterior, entre humano e…
Ana Gesto (Santiago de Compostela, 1978) é artista visual e performer, licenciada en Belas Artes pola Universidade de Vigo. Na súa traxectoría conta coa participación en numerosos festivais e exposicións a nivel nacional e internacional. A súa obra fusiona performance, escultura e experimentación sonora. Traballa con obxectos de forte carga simbólica e co son como elemento esencial, explorando a identidade e o territorio, dándolle especial relevancia ao espazo público e social.
