O xoves 11 de xuño ás 19.30 h acollemos a mesa redonda organizada por ADEGA: Planta de biogás na Laracha: Impacto ambiental e social.
O auxe do biometano no territorio galego está a xerar un crecente conflito. Mentres a Xunta e as empresas defenden a valorización enerxética de residuos gandeiros e agroindustriais como parte da transición enerxética, organizacións ecoloxistas como ADEGA e a veciñanza alertan da falta de estudos rigorosos sobre o impacto destas macroplantas e do incumprimento da xerarquía de residuos. Ante a proliferación destes proxectos noutras localidades, a forte oposición á planta de Soandres, na Laracha, marca un fito nas loitas sociais da comarca coruñesa. Nesta sesión abordaremos en profundidade este proxecto e as consecuencias para o noso rural.
