O venres 5 de decembro, ás 19.00 h, acollemos unha proposta creativa e profundamente comprometida: un obradoiro cartoneiro para apoiar ao pobo palestino a través da literatura.
Baixo o título “Poesía en Gaza”, o colectivo “Coser a ferida” (formado por Inma Doval e Emma Pedreira) e a editora cartoneira Nomelibro Nilointento únense para impartir un taller onde pintaremos a cuberta e encadernaremos artesanalmente a antoloxía poética Un sexto dedo en cada man. O libro recolle os versos do poeta palestino Nasser Rabah, traducidos ao galego por Emma Pedreira.
A actividade ten un fondo solidario directo: por un prezo de 12 euros levarás o teu propio exemplar do libro, manufacturado por ti mesma na sesión. O importe recadado irá íntegro para o autor, quen se atopa actualmente vivindo nun campo de refuxiados. Deste xeito, a experiencia poética sérveche para levar unha obra única á casa e axudar a quen sofre o conflito en primeira persoa.
DATOS DO EVENTO
Inscrición necesaria
