Dentro do ciclo “Pensando o Futuro”, o mércores 6 de maio ás 19.30 h Daniel González Palau falaranos da política exterior chinesa en tempos de inflexión histórica.
Na súa disertación, González Palau achegaranos aos fundamentos históricos e á evolución da política exterior chinesa ao longo das últimas décadas. Prestarase unha especial atención aos debates que marcan a axenda actual: a competencia sistémica cos Estados Unidos, a defensa do multilateralismo e os complexos desafíos de seguridade, situando a cuestión de Taiwán no centro da análise.
Daniel González Palau é director adxunto do Observatorio da Política China-IGADI e coordenador do Observatorio Galego da Lusofonía-IGADI (OGALUS). Foi Director do IGADI entre marzo do 2017 e marzo do 2026.
