O xoves 9 de outubro, ás 19.30 h, presentarase no noso local o libro Atravesar o don de Fran Fernández Davila.
En Atravesar o don, obra gañadora do Illas Sisargas 2025 de poesía erótica, Fran Fernández Davila invítanos a rachar as fronteiras dos afectos, a recoñecer as propias e a debuxar o erotismo desde o máis intímo ao máis cotián e prosaico. Un percorrido pola pel propia e a allea.
Fran Fernández Davila é enxeñeiro de profesión, dedicándose dende o ano 2000 ao deseño e construción de máquinas e instalacións de refrixeración e conservación. Comezou a escribir en 2016 e dende entón acadou máis dunha trintena de premios literarios, a metade de poesía e a metade de narrativa.
É autor de oito libros individuais: cinco novelas — A senda de sal (Galaxia, 2017), Alana (Toxosoutos, 2018), O bosque do duque. ‘s-Hertogenbosch (Galaxia, 2022), Groenlandia (Galaxia, 2023) e Primavera. A camareira, o cuarto e o libro de poemas (Fundación Vicente Risco, 2023) — e tres poemarios: Mover os Marcos (Instituto de Estudos Miñoráns, 2019), koиpostєla (Concello de Padrón, 2023) e Palabras Mortas (Medulia, 2024). Tamén participou en múltiples publicacións colectivas.
Acompañará ao autor Emma Abella.
DATOS DO EVENTO
Inscrición necesaria
