O luns 2 de febreiro, ás 20.00 horas, acolleremos a presentación de Contos do Valadouro (Edicións Embora, 4ª edición, 2025), unha obra fundamental asinada por Xesús Pisón, Manuel Lourenzo e Isaac Ferreira.
Trátase da maior recompilación de literatura popular realizada en Galiza até o presente. O volume recolle 357 contos e lendas que, ademais do seu innegable valor literario, conteñen valiosos datos etnográficos e antropolóxicos, constituíndo un material de primeira liña para o coñecemento da identidade cultural do noso país.
No acto contaremos coa presenza de dous dos seus autores:
Xesús Pisón: Escritor recoñecido pola súa obra dramática, tanto publicada como escenificada. A súa obra máis recente é Lúas do Orzán (2024), que acolle os seus textos máis significativos.
Isaac Ferreira: Autor nativo do Valadouro e moi comprometido coa cultura galega. Ademais de coautor desta obra, publicou Arqueoloxía do Valadouro e Inventario do Patrimonio Histórico do Valadouro, xunto con diversos poemas e relatos.
Durante a presentación lembrarase a figura de Manuel Lourenzo, coautor da obra falecido recentemente.
